بانادي على كل واحد في مصر
ندايا أنا لكل بيت.. مش لقصر
بلدنا في محنة..
نظامها دابحنا
وواجبنا إحنا نصونك يا مصر
.........
بانادي على كل عامل هناك
في وسط المداخن في وسط الهلاك
بيبني لغيره
ومالوش في خيره
وصابر وإايه بس آخرك يا صبر
بلدنا في محنه
نظامها دابحنا
وواجبنا احنا نصونك يا مصر
....................
بانادي على الورشجية الصغار
ودول مسروقين من سماسرة كبار
حتخرب بيوتكم
فلوس أمريكاني
مع الإنفتاح جت مصيبة لمصر
بلدنا في محنة
نظامها دابحنا
وواجبنا إحنا نصونك يا مصر
................
بانادي على ريف بلادنا الحزين
وأقوله يا أسمر بلاش الأنين
وجاهد وناضل بطول السنين
وقلب ترابك حتخضر مصر
بلدنا في محنة
نظامها دابحنا
وواجبنا احنا نصونك يا مصر
...........
بانادي عليكم يا كل الجموع
في كل الشوارع في كل النجوع
بلدنا حتبقى تيجان المحبة
وفيها الأحبة تيجان كل عصر
ليست هناك تعليقات:
إرسال تعليق